வேர்களைத்தேடி........

வேர்களைத்தேடி தளத்திற்குத் தங்களை அன்புடன் வரவேற்கிறேன்... இத்தளத்தில் சங்க இலக்கியம், கணினித்தமிழ் சார்ந்து எனது அனுபவங்களைப் பகிர்ந்து வருகிறேன். 13 ஆண்டுகளில் 1500க்கும் மேற்பட்ட பதிவுகளை வழங்கியுள்ளேன். தற்போது இந்தியக் குடிமைப் பணித்தேர்வுக்கான விருப்பப் பாடம் தமிழுக்குரிய விளக்கங்களைத் தொடர்ந்து வழங்கி வருகிறேன். தங்கள் மேலான வருகைக்கு நன்றிகளைத் தெரிவித்துக்கொள்கிறேன்.

திங்கள், 10 மார்ச், 2014

மாநாகன் இனமணி -29

வெள்ளி, 7 மார்ச், 2014

பேராசிரியரின் உலக சாதனை

உத்ரகண்ட் மாநிலத்தில் பணியாற்றும் உதவிப் பேராசிரியர் அரவிந்த் அவர்கள் இடைவிடாமல் 130 மணிநேரம் இயந்திரப் பொறியியல் பாடம் நடத்தி உலக சாதனை படைத்தார் என்ற செய்தி என்னைப் பெரிதும் வியப்பில் ஆழ்த்தியது.

உயர்ந்த சபைகளில் அமரும் தகுதி நூறு பேரில் ஒருவருக்குத்தான் கிடைக்கும்!
ஆயிரம் பேரில் ஒருவரே கவிஞராய்த் திகழ்வர்!

ஆனால் பேச்சாளராய் இருப்பவர் பதினாயிரம் பேரில் ஒருவரே என்பார் ஔவையார். இதனை,

“ஆர்த்தசபை நூற்றொருவர்

ஆயிரத்து ஒன்றாம் புலவர்

வார்த்தை பதினாயிரத்து ஒருவர்

- ஔவையார்.

இந்தப் பாடல் வழியாக சபையில் இருக்கும் தகுதி, கவிதை எழுதும் ஆற்றல், பேச்சாற்றல் ஆகியன சிறப்பித்து உரைக்கப்படுகின்றன.

வியாழன், 27 பிப்ரவரி, 2014

சொல்லுதல் யார்க்கும் எளிய..

சொல்லுதல் யார்க்கும் எளிய அரியவாம்

சொல்லிய வண்ணம் செயல் என்பார் வள்ளுவப் பெருந்தகை. கண்தானம் செய்ய, இரத்த தானம் செய்ய உங்களுக்கு விருப்பமா என்று கேட்டால் பெரும்பாலானவர்கள் ஆம் எனக்கு விருப்பம்தான் என்பார்கள். ஆனால் இதுவரை எத்தனை தடவை இரத்த தானம் செய்திருக்கிறீர்கள் என்றால் சிந்திப்பார்கள். கண்தானம் குறித்தும் இரத்ததானம் பற்றியும் நாம் அறிந்துகொள்ளவேண்டிய அடிப்படைத்தகவல்களைக் காண்போம்.