திருமண அழைப்பிதழ் மாதிரி

தங்கத் தடாகத்திற் கெழிலூட்டும்

தாமரைப்பூ போல - என்

அங்கத்தினுள் பூத்திருக்கும்

ஆருயிர் நட்பே! வணக்கம்.

வியத்தகு விக்ருதி வருடம்

உயர்மிகு ஆவணித் திங்கள் 13ஆம் நாள்(29.08.2010)

நலம் மல்கு ஞாயிற்றுக் கிழமை

கதிரெழு நற்காலை 6.00 -7.30 மணிக்குள்

திருமுதுகுன்றத்திலுள்ள (விருத்தாச்சலம்,ஆலடி ரோடு)

ராஜலெட்சுமி திருமண மண்டபத்தில்....

பண்ருட்டி சரஸ்வதி நகர்வாழ்

ர.கண்ணன்-கலைச்செல்வி இவர்களின்

பைங்கொடிப் பாவை, முகநகைப் பூவை

க.செங்கமலத்தாயார் எம்.எஸ்சி.,பிஎட்., என்ற

மங்கலச் செல்விக்கும் எனக்கும்- நடைபெறும்

குங்குமத் திருவிழாவிற்கு - தாங்கள்

தங்கள் சுற்றத்துடன்

வருகை தந்து வாழ்த்திட வேண்டுகிறேன்

என்றும் நட்புடன்

கே.வெங்கடேசன்.எம்.ஏ.,எம்பில்.,பிஎட்.,

ஆசிரியர் பயிற்றுநர்(வட்டார வள மையம் , புவனகிரி) 

கே.பூவனூர்

திருமண அழைப்பிதழை அழகிய தமிழில் உருவாக்கவேண்டும் என்ற வேட்கை இன்று பலருக்கும் ஏற்பட்டிருப்பது பாராட்டுதலுக்குரியதாகும். 

இனிய தமிழில் திருமண அழைப்பிதழை வடிவமைத்த அன்பு நண்பர் கே.வெங்கடேசன் அவர்களுக்கு என் மனம் நிறைந்த பாராட்டுதலையும், வாழ்த்துதலையும் தெரிவித்துக்கொள்கிறேன்.

தொடர்புடைய இடுகை

திருமண அழைப்பிதழ் மாதிரி