உழைத்து வாழ வேண்டும்

உழைத்து வாழ வேண்டும்.. பிறர் உழைப்பில் வாழ்ந்திடாதே என்றும் சொந்தக்காலில் நில் என்றும் சொல்லிச்சென்ற அறிவுரைகளுக்கெல்லாம் முன்மாதிரியாக இருந்த குறுந்தொகைப் பாடல் இது..

தொடர்புடைய இடுகை

நீங்கள் உயிருடன் இருக்கிறீர்களா?

கற்றறிந்தார் ஏத்தும் கலி!

சங்க இலக்கியத்தில் எட்டுத்தொகையில் அகம்சார்ந்த நூல்களில் குறிப்பிடத்தக்க நூல் கலித்தொகை ஆகும்.

கலித்தொகை 150 பாடல்களைக் கொண்டது.11 அடிமுதல் 80 அடிவரை அடியெல்லை கொண்ட பாடல்கள் இதில் இடம்பெறும். கலித்தொகைப் பாடல்களைப் படிக்கும்போது ஒரு நாடகம் பார்த்த மனநிறைவு ஏற்படும்.

ஏறுதழுவுதல் பற்றிய குறிப்பு, கொல்லிப்பாவை பற்றிய செய்தி,சங்கம் பற்றிய குறிப்பு, ஆறலைக் கள்வர் பற்றிய குறிப்பு, இதிகாசங்களுடன் தொடர்புடைய செய்திகள் ஆகியவற்றை கலி்ததொகை வழியாக அறிந்துகொள்ளமுடியும்.

கலித்தொகையின் பெருமையை எடுத்தியம்பும் பழைய வெண்பா,

திருத்தகு மாமுனி சிந்தாமணி கம்பன்

விருத்தக் கவி  வளமும் வேண்டோம் - திருக்குறளோ

கொங்குவேள் மாக்கதையோ கொள்ளோம், நனி ஆர்வேம்

பொங்கு கலி இன்பப் பொருள்

-பழைய வெண்பா.

என்னும்  பழையவெண்பாவில் சீவகசிந்தாமணி, கம்பராமாயணம், திருக்குறள், பெருங்கதை ஆகிய புகழ்பெற்ற இலக்கியங்களைவிட சிறந்தது கலித்தொகை என்று சொல்லப்படும் கருத்து ஆழ்ந்து சிந்திக்கத்தக்கது.

20 ஆண்டுகளுக்குப் பிறகு உங்கள் தோற்றம்

முதுமை ஒரு வரம்

அது எல்லோருக்கும் வாய்க்காது!

“வயதாகிறதே என்று வருத்தப்படாதீர்கள் அந்தவாய்ப்பு

எல்லோருக்கும் கிடைப்பதில்லை“

என்றொரு பொன்மொழி இருக்கிறது.

கருவுற்ற நிலையிலிருந்து இன்று வரைநாம் எத்தனை தோற்றங்களை இழந்து வந்திருக்கிறோம்..

நாம் நினைத்தாலும் மீண்டும் குழந்தைப் பருவத்துக்குச் செல்லமுடியுமா..?

சரி அதற்காக என்றாவது அழுதிருக்கிறோமா?

நாளும் நாளும் சாகும் நாம் என்றாவது நமக்காக அழுதிருக்கிறோமா?என்று நம்மைச் சிந்திக்கச் சொல்கிறது இந்தப்பாடல்..

“பாளையாம் தன்மை செத்தும் பாலனாம் தன்மை செத்தும் 
காளையாம் தன்மை செத்தும் காமுறும் இளமை செத்தும் 
மீளும் இவ் இயல்பும் இன்னே மேல்வரும் மூப்பும் ஆகி 
நாளும் நாள் சாகின்றாமால் நமக்குநாம் அழாதது என்னோ“

குண்டலகேசி -9

பிறப்புக்கும் இறப்பும் இடைப்பட்ட இந்த வாழ்க்கையில் இளமை 

என்பதும் முதுமை என்பதும் நாணயத்தின் இருபக்கங்கள் 

போன்றவை!

நாம் எப்படியிருந்தோம், எப்படியிருக்கப்போகிறோம் என 

எண்ணிப்பார்ப்பதும் பலருக்கும் ஏற்படும் ஆசைதான்.

அன்றெல்லாம் சோதிடர்கள் இந்த வேலையைச் செய்தார்கள் இப்போது 

இதற்கெல்லாம் கூட இணையதளங்கள் வந்துவிட்டன..

இந்த இணையதளம் சரியாக நமது எதிர்காலத் தோற்றத்தைக் 

காட்டாவிட்டாலும் கிட்டத்தட்ட காட்டுகிறது.

குறிப்பாக இந்த இணையதளத்தில் எனக்குப் பிடித்த கூறு என்னவென்றால்,

முதலில் நம் நிழற்படத்தை இதில் பதிவேற்றியபிறகு..

ஆணா? பெண்ணா? என்று இவ்விணையம் கேட்கிறது.
அடுத்து நீங்கள் போதைக்கு அடிமையானவரா? 

என்று கேட்கிறது.

போதைக்கு அடிமையானவர் என்றால் பதிவேற்றுபவரின் உருவம் மிகவும் தளர்வாக வருகிறது.

இப்படியொரு தோற்றத்தைப் பார்த்தாவது போதையாளர்கள் திருந்துவார்கள் என்பது இவ்விணையதளத்தில் எனக்குப்பிடித்த கூறாக உள்ளது.


இருபது அல்லது முப்பது ஆண்டுகளுக்குப் பிறகு உங்கள் தோற்றம் எப்படியிருக்கும் என்று தெரிந்துகொள்ள வேண்டுமா? இந்த முகவரிக்கு வாங்க..



தொடர்புடைய இடுகை.

1.முதியோர் தின சிறப்பு இடுகை

2. மீன் சென்ற வழி

ஒரு நொடி சிந்திக்க..

ஊடுதல் காமத்துக்கு இன்பம்.

அன்று கோவலன் மாதவியிடம் சென்று மீண்டும் கண்ணகியிடம் வந்தபோது, அன்றைய கண்ணகி காலில் இருந்த சிலம்பைக் கழற்றிக் கொடுத்தாளாம். அதுதான் கற்புடைமை என இன்றும் போற்றப்படுகிறது.

இன்றைய கண்ணகியாகியரும் காலில் உள்ளதைக் கழற்றிக்கொடுப்பார்கள். சிலம்பை அல்ல! செருப்பை!

தலைவன் பரத்தையரிடம் சென்று மீண்டும் தலைவியை நாடி வருகிறான். அவனுடைய தவறை மறந்து, அவனை ஏற்றுக்கொள். அவன் மீது கோபம் கொள்ளாதே என்று தோழி தலைவியிடம் சொல்கிறாள். அப்போது தோழியிடம் தலைவி சொல்வதாக இப்பாடல் அமைகிறது

நன்னலம் தொலைய நலம் மிகச் சாஅய்

இன்னுயிர்க் கழியினும் உரையல் அவர்நமக்கு

அன்னையும் அத்தனும் அல்லரோ தோழி

புலவியது எவனோ அன்பிலங்கடையே

அள்ளூர் நன்முல்லையார்

குறுந்தொகை -93

எனது பெண்மை நலம் கெடவும், உடல் மெலியவும், எல்லாவற்றையும் விட எனது இனிய உயிர் நீங்கினாலும், அவரிடம் கோபமாக நடந்துகொள்ளாதே அவரை ஏற்றுக்கொள் என்கிறாய்?

நீ சொல்வதும் சரிதான்!

தலைவர் நமக்கு தாயும், தந்தையும் அல்லவா?

அவரிடம் நான் எவ்வாறு கோபம் கொள்வேன்!

கோபம் கொள்ள அவர் என்ன என் தலைவரா?

கோபமெல்லாம் அன்புடையாரிடத்தல்லாவா நிகழ்வது?

இப்பாடலை நேரடியாகப் பார்த்தால் தலைவன் பெற்றோருக்கு இணையாக வைத்துப் பாராட்டப்படுகிறான் என்றுதான் தோன்றும். ஆனால் ஆழமாகப் பார்த்தால், தலைவன் மீது தலைவிகொண்ட கோபம் புரியும்.

தலைவன் பெற்றோரைப் போல மதிக்கத்தக்கவன்

ஆனால் என் கணவன்(காதலன்) போல அன்புகொண்டு கூடி மகிழத் தகுதியில்லாதவன்.

என்ற கருத்துதான் தலைவியின் ஆழ்மனவெளிப்பாடாகவுள்ளது.

தலைவன் பரத்தையிடம் சென்றதால், தலைவிக்கு ஏற்பட்ட நயமான ஊடல்(புலவி) நறுக்கென்று தலைவனுக்குத் அவன் தவறை உணர்த்துவதாக உள்ளது.

அன்பு யார் மீதும் காட்டலாம்

ஆனால்

கோபம் உயிருக்கு மேலான உரிமையுடையவரிடம் தான் வெளிப்படத்தமுடியும் 

என் கருத்தை எடுத்தியம்புதாக இப்பாடல் அமைகிறது.

தொடர்புடைய இடுகை.

                                                   

                                 நயமான ஊடல்