வெள்ளி, 20 நவம்பர், 2020

திருக்குறள் - அதிகாரம் - 94. சூது

 


வேண்டற்க வென்றிடினும் சூதினை வென்றதூஉம்

தூண்டிற்பொன் மீன்விழுங்கி அற்று. - 931

தூண்டிலில் சிக்கிய மீன்போல சூது என்றும் துன்பமே தரும்

ஒன்றெய்தி நூறிழக்கும் சூதர்க்கும் உண்டாங்கொல்

நன்றெய்தி வாழ்வதோர் ஆறு.- 932

பொருள் ஒன்றினைப் பெற்று நூறினை இழப்பா் சூதாடிகள்

உருளாயம் ஓவாது கூறின் பொருளாயம்

போஒய்ப் புறமே படும். - 933

தொடர்ந்து சூதாடும் ஒருவனது பொருட்செல்வம் அவனை நீங்கும்

சிறுமை பலசெய்து சீரழிக்கும் சூதின்

வறுமை தருவெதொன்று இல். - 934

சிறுமை பல தந்து, சீரழித்து வறுமை தருவதே சூது

கவறும் கழகமும் கையும் தருக்கி

இவறியார் இல்லாகி யார். - 935

பேராசையுடன் சூதாடி வருமையானவர் பலர்                        

அகடாரார் அல்லல் உழப்பர்சூ தென்னும்

முகடியான் மூடப்பட் டார். - 936

சூதின் வசப்பட்டவர் வறுமையிலும், துன்பத்திலும் வருந்துவர்

பழகிய செல்வமும் பண்பும் கெடுக்கும்

கழகத்துக் காலை புகின். - 937

சூதாடிகள் தம் செல்வத்தையும், பண்பையும் இழந்துவிடுவர்

பொருள் கெடுத்துப் பொய்மேற் கொளிஇ அருள்கெடுத்து

அல்லல் உழப்பிக்கும் சூது. - 938

பொருள்,உண்மை,அருள், இன்பம் ஆகியன கெடுப்பது சூதே

உடைசெல்வம் ஊண்ஒளி கல்விஎன்று ஐந்தும்

அடையாவாம் ஆயங் கொளின். - 939

ஆடை, செல்வம்,உடல்,புகழ், கல்வி என ஐந்தும் அழிப்பது சூது     

இழத்தொறுஉம் காதலிக்கும் சூதேபோல் துன்பம்

உழத்தொறுஉம் காதற்று உயிர்.- 940

துன்பத்தின் பின்பும் உயிர்மேல் கொள்ளும் ஆசைபோன்றது சூது    

கருத்துகள் இல்லை:

கருத்துரையிடுக