நில்லா வற்றை நிலையின என்றுஉணரும்
புல்லறிவு ஆண்மை கடை.- 331
நிலையில்லாதவற்றை நிலையென உணர்வது அறியாமையே
கூத்தாட்டு அவைக்குழாத் தறே பெருஞ்செல்வம்
போக்கும் அதுவிளிந் தற்று.- 332
கூட்டமும், செல்வமும் கூடுவது போலவே மறையும்
அற்கா இயல்பிற்றுச் செல்வம் அதுபெற்றால்
அற்குப ஆங்கே செயல். - 333
நிலையில்லாத செல்வத்தால் நிலையான அறம்
செய்
நாள்என ஒன்றுபோல் காட்டி உயிர்ஈரும்
வாள் அது உணர்வார்ப் பெறின்.- 334
நாள் எனத் தோன்றும் காலம், வாழ்நாளைக் குறைக்கும் வாள்
நாச்செற்று விக்குள்மேல் வாராமுன் நல்வினை
மேற்சென்று செய்யப் படும்.- 335
நிலையாமையை உணர்ந்து நற் செயல்களைச் செய்க
நெருநல் உளன்ஒருவன் இன்றுஇல்லை என்னும்
பெருமை உடைத்துஇவ் வுலகு.- 336
நேற்றிருந்தவர் இன்றில்லை என்ற நிலையாமையே
பெருமை
ஒருபொழுதும் வாழ்வது அறியார் கருதுப
கோடியும் அல்ல பல.- 337
நிலையாமையை அறியாதவா்களே மனக்கோட்டை கட்டுவார்கள்
குடம்பை தனித்துஒழியப் புள்பறந் தற்றே
உடம்போடு உயிரிடை நட்பு.- 338
கூடுக்கும் பறவைக்குமான தொடர்பே, உடலுக்கும் உயிருக்கும்
உறங்குவது போலும் சாக்காடு உறங்கி
விழிப்பது போலும் பிறப்பு.- 339
உறங்குவதும், விழிப்பதும் போன்றது இறப்பதும், பிறப்பதும்
புக்கில் அமைந்தின்று கொல்லோ உடம்பினுள்
துச்சில் இருந்த உயிர்க்கு.- 340
உயிரானது எந்த உடலிலும் நிலையாகத் தங்காது
கருத்துகள் இல்லை:
கருத்துரையிடுக