புதன், 23 செப்டம்பர், 2020

திருக்குறள் - அதிகாரம் - 42. கேள்வி

 

செல்வத்துட் செல்வஞ் செவிச்செல்வம் அச்செல்வம்

செல்வத்து ளெல்லாந் தலை.- 411

செல்வங்களுள் உயர்ந்த செல்வம் கேள்விச் செல்வமே

செவிக்குண வில்லாத போழ்து சிறிது

வயிற்றுக்கும் ஈயப்படும்.- 412

உயிர்வாழ வயிற்றுக்கும், சிறப்பாக வாழ செவிக்கும் உணவிடு

செவியுணவிற் கேள்வி யுடையார் அவியுணவின்

ஆன்றாரோ டொப்பர் நிலத்து.- 413

கேள்வியறிவுடையோர், தேவரோடு ஒப்பிட்டு நோக்கப்படுவா்

கற்றில னாயினுங் கேட்க அஃதொருவற்கு

ஒற்கத்தின் ஊற்றாந் துணை.- 414

ஊன்றுகோல் போல துன்பத்தில், உதவுவது கேள்வியறிவே

இழுக்கல் உடையுழி ஊற்றுக்கோல் அற்றே

ஒழுக்க முடையார்வாய்ச் சொல்.- 415

சேற்றுநிலத்தில் ஊன்றுகோல் போன்றது சான்றோர் வாய்ச்சொல்

எனைத்தானும் நல்லவை கேட்க அனைத்தானும்

ஆன்ற பெருமை தரும்.- 416

எவ்வளவு நல்லது கேட்கிறோமோ அவ்வளவு நல்லது விளையும்

பிழைத் துணர்ந்தும் பேதைமை சொல்லா ரிழைத்துணர்ந்

தீண்டிய கேள்வி யவர்.- 417

நுட்பமான கேள்வியறிவுடையவர் என்றும் அறிவுடன் பேசுவா்

கேட்பினுங் கேளாத் தகையவே கேள்வியால்

தோட்கப் படாத செவி.- 418

செவியின் கேட்புத்திறன், ஓசையல்ல, கேள்வியறிவே!

நுணங்கிய கேள்விய ரல்லார் வணங்கிய

வாயினராதல் அரிது.- 419

நல்ல கேள்வியறிவுடைரே, பணிவுடன் பேசுவா் 

செவியிற் சுவையுணரா வாயுணர்வின் மாக்கள்

அவியினும் வாழினும் என். - 420

செவியின் சுவையறியாமல் வாழ்வதும் வாழ்க்கையா?

கருத்துகள் இல்லை:

கருத்துரையிடுக