செவ்வாய், 15 செப்டம்பர், 2020

திருக்குறள் - அதிகாரம் - 37. அவா அறுத்தல்


அவாஎன்ப எல்லா உயிர்க்கும் எஞ் ஞான்றும்

தவாஅப் பிறப்புஈனும் வித்து.  - 361

மீண்டும் மீண்டும் பிறப்பதற்கு ஆசையே விதையாகிறது

வேண்டுங்கால் வேண்டும் பிறவாமை மற்றது

வேண்டாமை வேண்ட வரும். - 362

ஆசையைத் துறப்பதே மீண்டும் பிறாவமலிருப்பதற்கான வழி

வேண்டாமை அன்ன விழுச்செல்வம் ஈண்டுஇல்லை

ஆண்டும் அஃதொப்பது இல். - 363

ஆசையற்ற நிலையே பெருஞ்செல்வம், அதற்கிணை வேறில்லை

தூஉய்மை என்பது அவாஇன்மை மற்றது

வாஅய்மை வேண்ட வரும்.-364

வாய்மையே தூய்மையான ஆசையின்மையை அடையும் வழி

அற்றவர் என்பார் அவாஅற்றார் மற்றையார்

அற்றாக அற்றது இலர்.- 365

ஆசையை துறந்தவரே மெய்யான  துறவியராவர்

அஞ்சுவது ஓரும் அறனே ஒருவனை

வஞ்சிப்பது ஓரும் அவா. - 366

ஒருவரை வஞ்சிப்பது ஆசையே, அதனால் ஆசைக்கு அஞ்சி வாழ்

அவாவினை ஆற்ற அறுப்பின் தவாவினை

தான்வேண்டும் ஆற்றான் வரும். -367

ஆசையைத் துறந்தால் நல்வினை தானே வரும்

அவாஇல்லார்க் கில்லாகுந் துன்பம் அஃதுண்டேல்

தவாஅது மேன்மேல் வரும். -368

ஆசை உண்டானால் துன்பம் மேலும்மேலும் வரும்

இன்பம் இடையறாது ஈண்டும் அவாஎன்னும்

துன்பத்துள் துன்பம் கெடின். -369

பேராசையைத் துறந்தால் வாழ்வில் இன்பம் விடாமல் தொடரும்

ஆரா இயற்கை அவாநீப்பின் அந்நிலையே

பேரா இயற்கை தரும்.- 370

ஆசையற்ற நிலையே பேரின்ப நிலை

 

கருத்துகள் இல்லை:

கருத்துரையிடுக