ஆகூழால் தோன்றும் அசைவின்மை கைப்பொருள்
போகூழால் தோன்றும் மடி. - 371
நல்விதி முயற்சியினையும், தீயவிதி சோம்பலையும் தரும்
பேதைப் படுக்கும் இழவுஊழ் அறிவுஅகற்றும்
ஆகல்ஊழ் உற்றக் கடை. - 372
நல்விதி அறிஞனாக்கும், தீயவிதி பேதையாக்கும்
நுண்ணிய நூல்பல கற்பினும் மற்றுந்தன்
உண்மை அறிவே மிகும். -373
நல்ல நூல்கள் பல கற்றாலும் இயற்கையான அறிவே மிகும்
இருவேறு உலகத்து இயற்கை திருவேறு
தெள்ளிய ராதலும் வேறு. -374
அறிவும், செல்வமும் ஒருசேர அமைவதில்லை
நல்லவை எல்லாஅம் தீயவாம் தீயவும்
நல்லவாம் செல்வம் செயற்கு.-375
நன்மைக்கும், தீமைக்கும் விதியே அடிப்படையாகிறது
பரியினும் ஆகவாம் பாலல்ல உய்த்துச்
சொரியினும் போகா தம. -376
நமக்குரியவை நீங்காது, நமக்கல்லாதது தங்காது
வகுத்தான் வகுத்த வகையல்லால் கோடி
தொகுத்தார்க்கும் துய்த்தல் அரிது. -377
எவ்வளவு சேர்த்தாலும், யாவற்றையும் அனுபவிக்கமுடியாது
துறப்பார்மன் துப்பரவு இல்லார் உறற்பால
ஊட்டா கழியும் எனின். 378
தீயவிதி நீங்கினால் வறியவரும் துறவியகளாகவர்
நன்று ஆங்கால் நல்லவாக் காண்பவர் அன்றுஆங்கால்
அல்லற் படுவது எவன் - 379
இன்ப துன்பங்களில் இயல்பாக இருக்க முயல்க
ஊழின் பெருவலி யாஉள மற்றுஒன்று
சூழினும் தான்முந் துறும். - 380
விதியைவிட வலிமையானது வேறு இல்லை
கருத்துகள் இல்லை:
கருத்துரையிடுக