அணங்குகொல் ஆய்மயில் கொல்லோ கனங்குழை
மாதர்கொல் மாலும் என் நெஞ்சு. -1081
நோக்கினால் என் மனம் மயங்குகிறது தெய்வமகளா? மயிலா? பெண்ணா?
நோக்கெதிர் நோக்குதல் தாக்கணங்கு
தானைக்கொண் டன்ன துடைத்து. - 1082
அவள் பார்வையே அணங்கு பெரும்படை கொண்டு
தாக்குதல் போன்றது
பண்டறியேன் கூற்றென் பதனை இனியறிந்தேன்
பெண்டகையான் பேரமர்க் கட்டு. - 1083
இளம்பெண்ணின் பார்வையே எமனைப் போன்றது
கண்டார் உயிருண்ணும் தோற்றத்தால் பெண்டகைப்
பேதைக்கு அமர்த்தன கண். - 1084
இளம்பெண்ணின் பார்வையே கொல்லும் அளவு
கொடியது
கூற்றமோ கண்ணோ பிணையோ மடவரல்
நோக்கமிம் மூன்றும் உடைத்து. - 1085
இளம்பெண்ணின் பார்வை எமனோ, கண்ணோ மானோ என மயக்கும்
கொடும்புருவம் கோடா மறைப்பின் நடுங்கஞர்
செய்யல மன்இவள் கண்.-1086
இவளின் வளைந்த புருவம் நேராக இருந்தால், கண்களால் துன்பமில்லை
கடாஅக் களிற்றின்மேற் கட்படாம் மாதர்
படாஅ முலைமேல் துகில். - 1087
பெண்ணின் மேலாடை, யானையின் முகபடாம் போன்றது
ஒண்ணுதற் கோஒ உடைந்ததே ஞாட்பினுள்
நண்ணாரும் உட்குமென் பீடு. - 1088
எதிரிகளும் அஞ்சும் என்வலிமை, இவளது நெற்றியழகிற்கே மயங்கும்
பிணையேர் மடநோக்கும் நாணும் உடையாட்கு
அணியெவனோ எதில தந்து. -1089
நாணமும், மானுருவமும் உடையவளுக்கு வேறென்ன அணிவேண்டும்
உண்டார்கண் அல்லது அடுநறாக் காமம்போல்
கண்டார் மகிழ்செய்தல் இன்று. -1090
உண்டால்தான் மயக்கம் தரும் கள், கண்டாலே மயக்கும் காமம்
கருத்துகள் இல்லை:
கருத்துரையிடுக