இருநோக்கு இவளுண்கண் உள்ளது ஒருநோக்கு
நோய்நோக்கொன் றந்நோய் மருந்து. - 1091
இவளது ஒருநோக்கு நோய்செய்யும், மறுநோக்கு மருந்தாகும்
கண்களவு கொள்ளும் சிறுநோக்கம் காமத்தில்
செம்பாகம் அன்று பெரிது. -1092
நானறியாது என்னைக்காணும் அவள் பார்வை
இன்பத்தில் மிகப்பெரிது
நோக்கினாள் நோக்கி இறைஞ்சினாள் அஃதவள்
யாப்பினுள் அட்டிய நீர்.-1093
இவளின் கடைக்கண்பார்வை எம் அன்புக்கு
அவள் ஊற்றிய நீர்
யான்நோக்கும் காலை நிலன்நோக்கும் நோக்காக்கால்
தான்நோக்கி மெல்ல நகும்.-1094
பார்த்தால் நிலத்தைப் பார்ப்பாள், பார்க்காவிட்டால் பார்த்து மகிழ்வாள்
குறிக்கொண்டு நோக்காமை அல்லால் ஒருகண்
சிறக்கணித்தாள் போல நகும்.- 1095
என்னை நேரே காணவில்லை, கடைக்கண்ணாலே கண்டு மகிழ்கிறாள்
உறாஅ தவர்போல் சொலினும் செறாஅர்சொல்
ஒல்லை உணரப் படும்.-1096
அயலார்போல பேசினாலும் அன்புடையார் சொல்லை
உணரலாம்
செறாஅச் சிறுசொல்லும் செற்றார்போல் நோக்கும்
உறாஅர்போன்று உற்றார் குறிப்பு.-1097
கடுஞ்சொல், எதிரிபோன்ற தோற்றத்தில் உள்ளன்பே காதல் குறிப்புகள்
அசையியற்கு உண்டாண்டோர் ஏஎர்யான் நோக்கப்
பசையினள் பைய நகும்.- 1098
நான் பார்க்கும்போது அவள் மெல்லச் சிரிப்பதில்
அழகுள்ளது
ஏதிலார் போலப் பொதுநோக்கு நோக்குதல்
காதலார் கண்ணே உள.-1099
தொடர்பில்லாதவர் போல பார்த்தல் காதலர்களுக்கு
உள்ள இயல்பு
கண்ணோடு கண்இணை நோக்கொக்கின் வாய்ச் சொற்கள்
என்ன பயனும் இல. -1100
கண்களிரண்டும் பேசும்போது, வார்த்தைகளால் எந்தப் பயனுமில்லை
கருத்துகள் இல்லை:
கருத்துரையிடுக