நினைத்தொன்று சொல்லாயோ நெஞ்சே எனைத்தொன்றும்
எவ்வநோய் தீர்க்கும் மருந்து. - 1241
நெஞ்சே! பிரிவுநோய் தீர நல்லதொரு மருந்தைச்
சொல்லாயோ!
காதல் அவரிலர் ஆகநீ நோவது
பேதைமை வாழியென் நெஞ்சு. - 1242
அன்பில்லாத அவரிடம் நீமட்டும் அன்பைப்
பொழிவது அறியாமையே
இருந்துள்ளி என்பரிதல் நெஞ்சே பரிந்துள்ளல்
பைதல்நோய் செய்தார்கண் இல். - 1243
பிரிந்தவா் வருந்தாதிருக்க, நெஞ்சே நீ என்னுடன் வருந்திப் பயனென்ன
கண்ணும் கொளச்சேறி நெஞ்சே இவையென்னைத்
தின்னும் அவர்க்காணல் உற்று. - 1244
நெஞ்சே!அவரைக் காண, கொல்லும் கண்களையும் அழைத்துச்செல்
செற்றார் எனக்கை விடல்உண்டோ நெஞ்சேயாம்
உற்றால் உறாஅ தவர். - 1245
நாம் விரும்பியும், நம்மை விரும்பாதவரை வெறுக்க இயலவில்லையே
கலந்துணர்த்தும் காதலர்க் கண்டாற் புலந்துணராய்
பொய்க்காய்வு காய்திஎன் நெஞ்சு. - 1246
காதலரைக் கண்டால் கோபம் மறக்கும் நெஞ்சே
உனக்கேன் ஊடல்!
காமம் விடுஒன்றோ நாண்விடு நன்னெஞ்சே
யானோ பொறேன்இவ் விரண்டு.- 1247
நெஞ்சே! காமம், நாணம் இரண்டில் ஒன்றைவிடு! இரண்டும் கொல்லும்
பரிந்தவர் நல்காரென்று ஏங்கிப் பிரிந்தவர்
பின்செல்வாய் பேதைஎன் நெஞ்சு. - 1248
அன்பின்றிப் பிரிந்த காதலர் பின்செல்வது
ஏன் பேதை நெஞ்சே
உள்ளத்தார் காத லவராக உள்ளிநீ
யாருழைச் சேறியென் நெஞ்சு. - 1249
மனதில் நீங்கா காதலரைத் தேடி நீ யார்
பின்னே செல்கிறாய்?
துன்னாத் துறந்தாரை நெஞ்சத்து உடையேமா
இன்னும் இழத்தும் கவின். - 1250
பிரிந்தவரை நெஞ்சத்தில் நினைத்தால் மீதி அழகையும் இழப்போம்
வணக்கம்
பதிலளிநீக்குஐயா
சிறப்பான விளக்கத்துடன் எடுத்துள்ளீர்கள் வாழ்த்துக்கள் அன்புடன்
ரூபன்